'ர', 'ற' வேறுபாடுகளை விளக்கும் சொற்கள் - 3

[Admin]

'ர', 'ற' வேறுபாடுகளை விளக்கும் சில எடுத்துக்காட்டுகள்:

கரி	யானை, எரிக்கும் பொருள்
கறி	மிளகு, இறைச்சி, ஆட்டுக்கறி
கூரியது	கூர்மையானது
கூறியது	சொன்னது
கீரி	கீரிப்பிள்ளை
கீறி	கீறுதல், கோடு கிழித்து
தரி	தரி (தரித்துக்கொள்ளுதல்), அணி(ந்துகொள்ளுதல்)
தறி	துணி, நெசவுத் தறி, வெட்டு
தெரி	தெரிந்துகொள்ளல்
தெறி	நீரைத் தெளி(த்தல்), சிதறு(தல்)
நாரி	பெண்
நாறி	நாற்றமடித்து
நெரி	நொறுக்கு, நெருக்கு (நெரிசல்), நசுக்கு
நெறி	வழி, முறை, ஒழுக்கம், விதி
பொரி	பொரி(த்தல்), நெற்பொரி,சோளப்பொரி
பொறி	இயந்திரம், தீட்டுதல்
முரி	நொய்யரிசி
முறி	ஒடி, அச்சு முறிந்தது, தளிர்
மரித்தான்	இறந்தான்
மறித்தான்	நிறுத்தினான், தடுத்தான்
மாரி	அம்மை, மழை
மாறி	வேறாக மாறி (விட்டது)
அரு	பார்க்கமுடியாதது (கடவுள் அருவமானவர்)
அறு	துண்டி (கயிறு அறுந்துவிடுதல்)
அருந்து	குடி(த்தல்)
அறுந்து	துண்டாகி(விட்டது)
உரு	உருவம்
உறு	அடை(தல்)
ஒரு	ஒன்று
ஒறு	தண்டி(த்தல்)
திரை	திரைச்சீலை, அலை
திறை	கப்பம்
உரை	சொல், பேசு, பொன்னை உரைத்துப்பார்(த்தல்)
உறை	பை, இருப்பிடம், பாலைத் தயிராக்கும் துளி

 

[shanbagavalli]

நாரி தமிழ் வார்த்தை கிடையாதே மா.