'ர', 'ற' வேறுபாடுகளை விளக்கும் சொற்கள் - 2

[Admin]

'ர', 'ற' வேறுபாடுகளை விளக்கும் சில எடுத்துக்காட்டுகள்:

பரவை	கடல் (பரந்து கிடக்கும் நீர்ப்பகுதி)
பறவை	பறக்கும் உயிரினங்கள்(காகம், புறா)
மாரன்	மன்மதன்
மாறன்	பாண்டியன்
திரம்	உறுதி
திறம்	வலிமை
துரவு	கிணறு
துறவு	சந்நியாசம்
புரம்	நகர், ஊர்
புறம்	பக்கம், முதுகு, அப்புறம்
மரத்தல்	உணர்ச்சியற்றுப் போதல்
மறத்தல்	நினைவு இழத்தல்
விரகு	தந்திரம்
விறகு	அடுப்பு எரிக்கும் கட்டை
விரல்	கைவிரல்
விறல்	வலிமை, வெற்றி
இரா	இரவு, இருக்காது
இறா	மீன் வகை
பரி	குதிரை
பறி	பூக்களைப்பறி, மீன்கூடை பிடுங்கு
அலரி	செடி வகை, அலரிப்பூ
அலறி	கூக்குரலிடுதல், உரக்கக் கத்துதல்
உரி	தோல், பட்டை, உரித்தல்
உறி	பொருள்களை வைத்துத் தொங்கவிடும் கருவி (உறியில் வெண்ணை)
உரிய	சொந்தமான
உறிய	உள்ளே இழுக்க, (உறிஞ்சுதல்)
எரி	தீ
எறி	வீசு
ஏரி	நீர்ப்பகுதி
ஏறி	உயரத்தில் சென்று, மேலே ஏறி
கரை	எல்லை, கரைந்துவிடு(தல்), இளகி விடு(தல்), கடற்கரை, கூவு
கறை	களங்கம், கறுப்பு, அழுக்கு, குற்றம்
கூரை	வீட்டு மேல்பகுதி, குடிசை
கூறை	புதிய ஆடை, திருமண உடை
மரை	திருகாணியை அது பொருத்தப்பட்ட பரப்பின் மறுபக்கத்தில் உறுதியாகப் பற்றியிருக்கும் சிறு வளையம், (மரை கழன்று விழுந்துவிட்டது)
மறை	வேதம், மறைந்துகொள்