'ண', 'ந', 'ன' வேறுபாடுகளை விளக்கும் சொற்கள் - 1

[Admin]

'ண', 'ந', 'ன' வேறுபாடுகளை விளக்கும் சில எடுத்துக்காட்டுகள்:-

கணம்	நேரம்
கனம்	பளு, சுமை
தணி	அடங்கு(தல்), தணிந்துபோதல்
தனி	தனித்திருத்(தல்), துணையின்றியிருத்தல்
மணம்	வாசனை, கல்யாணம்
மனம்	உள்ளம்
பாணம்	அம்பு, பட்டாசு வகை
பானம்	நீர் உணவு
ஆணி	சுவரிலும், பலகைகளிலும் அடிக்கும் கூரிய இரும்புத்துண்டு, ஆணி அடி
ஆனி	ஒரு தமிழ் மாதம்
கணி	கணித்தல், கணக்கெடுத்தல்
கனி	பழம்
துணி	சீலை, துணிவுகொள்
துனி	துன்பம், கோபம், அச்சம்
உண்	சாப்பிடு
உன்	உன்னுடைய
உண்ணு	சாப்பிடு
உன்னு	நினைத்துப்பார்
ஊண்	உணவு
ஊன்	மாமிசம், இறைச்சி
பணி	வேலை, கீழ்ப்படிதல், தொழில்
பனி	பனி (க்காலம்), பனிபெய்கிறது
கண்ணான்	கண்ணையுடையவன்
கன்னான்	இரும்புவேலை செய்பவர்
காண்	பார்
கான்	காடு, கானகம்
அண்ணம்	மேல்வாய்
அன்னம்	பறவை இனம்
அரண்	மதில், பாதுகாப்பு, கோட்டை
அரன்	சிவன்
ஆண்	ஆண் இனம்
ஆன்	பசு
வன்னம்	எழுத்து
வண்ணம்	நிறம், அழகு, விதம்
அனல்	வெப்பம்
அணல்	தாடி, கழுத்து
அனைத்து	எல்லாம்
அணைத்து	தழுவி

 

[revathibalu]

அண்ணார்,அன்னார் விளக்கம் தர இயலுமா

 

[Admin]

அண்ணார்,அன்னார் விளக்கம் தர இயலுமா

அன்னார் என்பது ஒரு குறிப்பிட்ட நபரை சொல்ல பயன்படும் சொல். (எ.கா. : அன்னாருக்கு இந்த மாலையை அணிவிக்கிறேன்)

அன்னார் என்பதை அண்ணார் என்று தவறாக எழுதப்படுகிறது.

அப்படித் திரிந்து வந்ததுதான் அண்ணாராக இருக்க முடியும்.

அண்ணார் என்ற சொல்லின் அர்த்தம் பகைவர் என்று சொல்லப்படுகிறது. ஆனால், அதைப் பற்றிய சரியான விளக்கம் கிடைக்கவில்லை.

 

[Jacky]

மிக மிக சிறப்பு

 

[revathibalu]

அன்னார் என்பது ஒரு குறிப்பிட்ட நபரை சொல்ல பயன்படும் சொல். (எ.கா. : அன்னாருக்கு இந்த மாலையை அணிவிக்கிறேன்)

அன்னார் என்பதை அண்ணார் என்று தவறாக எழுதப்படுகிறது.

அப்படித் திரிந்து வந்ததுதான் அண்ணாராக இருக்க முடியும்.

அண்ணார் என்ற சொல்லின் அர்த்தம் பகைவர் என்று சொல்லப்படுகிறது. ஆனால், அதைப் பற்றிய சரியான விளக்கம் கிடைக்கவில்லை.

விளக்கம் தந்ததற்கு மிகவும் நன்றி