'ர', 'ற' வேறுபாடுகளை விளக்கும் சொற்கள் - 1

[Admin]

'ர', 'ற' வேறுபாடுகளை விளக்கும் சில எடுத்துக்காட்டுகள்:

அரம்	இரும்புக்கருவி
அறம்	தருமம் (அறம் செய விரும்பு)
ஆர	நிறைய (வயிறு ஆர)
ஆற	தணிய, ஆறுதல்
இரந்தான்	பிச்சையெடுத்தான்
இறந்தான்	உயிர் நீத்தான்
இரங்கு	வருந்து, அழு, மனமிரங்கு
இறங்கு	கீழே வா
இரைந்து	உரத்த குரலில் பேசுதல், (கண், முகம் போன்றவை) வீங்குதல்
இறைந்து	சிதறுதல், தண்ணீர் இறைத்து
உரல்	தானியம் குற்றும் கருவி
உறல்	அடைதல், துன்பம் உறல்
கர	ஒளிந்துகொள், பதுங்கு
கற	பால் கற
குரவர்	முனிவர், பெற்றோர்
குறவர்	ஒரு சாதி
குரவை	ஒருவகைக் கூத்து
குறவை	மீன் வகை
குரங்கு	வானரம்
குறங்கு	தொடை
சுரா	மதுபான வகை
சுறா	சுறாமீன்
சுருக்கு	சிறிதாக்கு
சுறுக்கு	வேகம் (சுறுக்காக நட)
செரு	சண்டை
செறு	கழனி
சிரை	தலையைச் சிரை (த்தல்), மயிர் நீக்கு(தல்)
சிறை	சிறைச்சாலை, அடைப்பு
சீரிய	உயர்ந்த
சீறிய	சீற்றங்கொண்ட(பாம்பு சீறியது)
சொரி	கொட்டு, கொடு(த்தல்)
சொறி	சிரங்கு, தினவு எடுத்துச் சொறிதல்
செரி	செரித்தல், உணவு சீரணமாதல்
செறி	திணி, அடை(த்துவை)